Qashqadaryoda 3 ta mashina avtohalokatga uchradi
Hodisa oqibatida vafot etganlar bor.
Kecha, 23-avgust kuni Qashqadaryo viloyatining Qamashi tumanida uchta avtomashina ishtirokida yo‘l-tarnsport hodisasi sodir bo‘ldi. Bu haqda viloyat IIB axborot xizmati xabar bermoqda.
Hodisa M-39 Toshkent—Termiz avtomobil yo‘lining Qamashi tumani “Yuksalish” MFY hududidan o‘tgan qismida soat taxminan 20:30 da yuz bergan. Qamashi tumanida yashovchi S. X. Damas avtomashinasida harakatlanib kelayotgan vaqtida yo‘lning o‘ng tomonida to‘xtab turgan Yakkabog‘ tumanida yashovchi B. A. boshqaruvidagi Damasning orqa qismiga urilgan. To‘qnashuv oqibatida haydovchi B.A. boshqaruvidagi Damas yo‘lning o‘ng tomoniga ag‘darilib ketgan va fuqaro E. O.ni urib yuborgan.
Haydovchsi S. X. boshqaruvni yo‘qotib, qarama-qarshi yo‘nalishga chiqib ketgan va Yu. J. boshqaruvidagi Spark bilan ham to‘qnashgan. Hodisa oqibatida yo‘lovchi E.O. va Damas haydovchisi S. X. og‘ir tan jarohati olib, vafot etgan.
Mazkur holat yuzasidan Qamashi tuman IIB huzuridagi TB tomonidan Jinoyat kodeksining 266-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
