Ravshan Ermatov Rossiya futboli hakamlari eksperti bo‘ldi
U Rossiya futbol ittifoqi huzuridagi Ekspert-hakamlar komissiyasi aʼzosiga aylandi.
O‘zbekistonlik sobiq futbol hakami Ravshan Ermatov Rossiya futbol ittifoqi qoshidagi (RFI) Ekspert-hakamlar komissiyasining doimiy aʼzosi bo‘ldi. Bu haqda ittifoq matbuot xizmati xabar berdi.
45 yoshli mutaxassis faoliyati davomida 11 marta jahon chempionatiga hakamlik qilgan va bu rekord ko‘rsatkich hisoblanadi. 2015 yilda u dunyoning eng yaxshi hakami deb topilgan. 2019 yilda esa rasman hakamlik faoliyatini yakunlagan.
Ravshan Ermatov hozirda O‘FA birinchi vitse-prezidenti sifatida faoliyat ko‘rsatyapti.
RFI qoshidagi Ekspert-hakamlar komissiyasi o‘yinlardagi hakamlik bilan bog‘liq bahsli holatlar, o‘yin natijasiga taʼsir qiladigan qarorlarni ko‘rib chiquvchi, baho beruvchi organ hisoblanadi.
Ravshan Ermatov komissiyasining amaldagi tarkibining to‘qqizinchi aʼzosi bo‘ldi. Ermatovdan tashqari komissiya tarkibiga RFI hakamlar bo‘limi boshlig‘i Pavel Kamansev, Sergey Zuyev, Aleksandr Gvardis, Nikolay Ivanov, Sergey Fursa, Nikolay Levnikov, Oleg Sokolov va Eduard Maliy ham kiritilgan.
