Shavkat Mirziyoyev Turkmaniston tashqi ishlar vazirini mukofotladi
Shuningdek, Serdar Berdimuhamedovning farmoni bilan Abdulaziz Komilov va Vladimir Norov ham orden bilan taqdirlandi.
Prezidentning tegishli farmoni bilan Turkmaniston Vazirlar Mahkamasi raisining o‘rinbosari, tashqi ishlar vaziri Rashid Meredov “Do‘stlik” ordeni bilan taqdirlandi. Bu haqda TIV matbuot xizmati xabar berdi.
Mukofotni topshirish marosimi Vladimir Norov boshchiligidagi delegatsiyaning Ashxobodga tashrifi doirasida bo‘lib o‘tgan.
Mazkur orden Meredovga «O‘zbekiston va Turkmaniston o‘rtasidagi ko‘p asrlik do‘stlik va yaxshi qo‘shnichilik rishtalarini, strategik sherikchilik va ko‘p qirrali hamkorlik munosabatlarini rivojlantirish hamda mustahkamlashga qo‘shgan ulkan shaxsiy hissasi uchun» berilgan.
Shuningdek, Turkmaniston prezidenti Sardor Berdimuhamedovning farmoni bilan O‘zbekiston prezidenti huzuridagi Xavfsizlik kengashi kotibi o‘rinbosari, prezidentning tashqi siyosat bo‘yicha maxsus vakili Abdulaziz Kamilov hamda tashqi ishlar vaziri vazifasini bajaruvchi Vladimir Norov Turkmanistonning “Galkinish” (“Tiklanish”) ordeni bilan taqdirlandi.
