0
Xorazmda 70 yoshli erkak o‘z mahalladoshini pichoqlab qo‘ydi
Hodisaga pul oldi-berdisi sabab bo‘lgan.
Xorazm viloyatining Tuproqqal’a tumanida 28-avgust kuni 70 yoshli erkak o‘z mahalladoshini pichoqlab qo‘ydi. Bu haqda viloyat IIB axborot xizmati xabar qildi.
Ma’lum bo‘lishicha, qotillikka pul oldi-berdisi masalasida kelib chiqqan nizo sabab bo‘lgan. Tumanning “Ohunboboyev” mahallasida yashovchi 70 yoshli erkak o‘zi bilan bir mahallada istiqomat qiluvchi 48 yoshli fuqaroni oshxona pichog‘i bilan uning ko‘krak qismiga sanchib, qasddan o‘ldirgan.
Hozirda mazkur holat yuzasidan gumondor ehtiyot chorasi sifatida qamoqqa olingan va dastlabki tergov harakatlari o‘tkazilmoqda.
