Maktab darsliklarining bepul ijagasi yo‘lga qo‘yiladi
Bu bo‘yicha Prezident topshiriq berdi.
Prezident Shavkat Mirziyoyev Vazirlar Mahkamasi va Xalq ta’limi vazirligiga maktab darsliklari va mashq daftarlarini bepul ijaraga berishni tezkor yo‘lga qo‘yish yuzasidan topshiriq berdi. Bu haqda Prezident matbuot xizmati xabar qildi.
Qayd etilishicha, ijara to‘lovlari miqdorlari keskin oshirilishi munosabati bilan keng jamoatchilik, ota-onalar tomonidan bildirilgan e’tirozlar yuzasidan davlat rahbariga axborot berilgan.
Maktab darsliklari bolalarning umumiy o‘rta ta’lim olishida favqulodda muhim o‘rin tutishini hisobga olib hamda maktab o‘quvchilari va ularning ota-onalarini, qonuniy vakillarini qo‘llab-quvvatlash, ijtimoiy adolatni ta’minlash maqsadida bepul maktab darsliklari ijarasini yo‘lga qo‘yish vazifasi topshirilgan.
