“Ko‘sem” seriali yulduzi O‘zbekistonga kelmoqda
U Toshkentdagi xalqaro kinofestivalda qatnashadi.
Taniqli turk aktrisasi Nurgul Yeshilchay 12–18-sentabr kunlari Toshkent shahrida o‘tkaziladigan “Ipak yo‘li durdonasi” XIV xalqaro kinofestivalida ishtirok etadi. Bu haqda Kinematografiya agentligi axborot xizmati ma’lum qildi.
Nurgul Yeshilchay zamonaviy turk kinosining eng yuqori baholanadigan aktrisalaridan biri hisoblanadi. U “Muhtasham yuz yil”, “Ko‘sem”, “Muhabbat va jazo”, “Tilka-pora”, “Qizil sevgi” filmlari orqali tomoshabinlar mehrini qozongan.
Eslatib o‘tamiz, 15-sentabr kuni “O‘zbekiston” Xalqaro anjumanlar saroyida “Turkiya kinosi kunlari”ning tantanali ochilish marosimi bo‘lib o‘tadi.
