Taksi haydovchilari norozilik bilan chiqdi
Bunga aeroportda rasmiy taksi xizmati ishga tushgani sabab bo‘lgani aytilmoqda.
So‘nggi uch kun ichida Toshkent xalqaro aeroportida taksi haydovchilari tomonidan bir qancha provokatsiyalar sodir etildi. Bu haqda deb xabar Uzbekistan Airports matbuot xizmati xabar berdi.
Maʼlumotlarga ko‘ra, 12-sentabr kuni taksi haydovchilaridan biri aeroport qo‘riqchisini aeroportga kiritmagani uchun mashinada urib yuborgan.
14-sentabr kuni taksi haydovchilari aeroport rahbariyatidan o‘z faoliyatini davom ettirish uchun ularga bepul to‘xtash joyi tashkil qilishni yoki old hovliga qo‘yib yuborishni talab qilib, rasmiy taksi xizmati mashinalari terminaliga kirishni to‘sib qo‘ygan.
Aeroport xodimlari huquq-tartibot idoralariga qo‘ng‘iroq qilib, taksi haydovchilariga nisbatan chora qo‘llash va Toshkent aeroporti ko‘chasida jamoat tartibini taʼminlash yuzasidan ariza yozgan.
Eslatib o‘tamiz, avvalroq Toshkent aeroportida rasmiy taksi ish boshlagani xabar qilingandi.
