Tayvan qirg‘oqlarida 7,2 balli zilzila kuzatildi
Uning kuchi boshqa hududlarda ham sezilgan.

Bugun, 18 sentyabr kuni dunyo vaqti bilan soat 06:44 da Tayvan sharqiy qirg‘oqlarida 7,2 magnitudali zilzila sodir bo‘ldi. Bu haqda AQSH geologiya qidiruv xizmati xabar berdi.
Zilzila episentri Yujing hududidan 85 kilometr sharqda joylashgan. Uning kuchi Tayvandan tashqari Yaponiya va Filippinga ham ta’sir qilgan.
Hodisa oqibatlari haqida hozircha rasmiy ma’lumot berilmadi. Orol hududida sunami xavfi e’lon qilingan.







