Tayvandagi kuchli zilzila bo‘yicha qo‘shimcha maʼlumot berildi
Zilzila oqibatida qurbon va jabrlanganlar bor.
Yakshanba kuni Tayvanda sodir bo‘lgan 6,9 magnitudali kuchli zilzila oqibatida bir kishi vafot etdi, 142 kishi jabrlandi. Bu haqda The Paper xabar berdi.
Kuchli silkinishlar butun orolda sezildi. Tabiiy ofat natijasida bir qancha binolar qulagan, ikkita ko‘prik vayron bo‘lgan, poyezd relsdan chiqib ketgan. Elektr uzilishlari yuz berdi. Dushanba kuni Tayvan orolidagi Xualyan va Taydunning bir qator okrug va tumanlarida maktablarda darslar bekor qilindi.
Avval xabar qilinganidek, shanba kuni kechqurun Tayvanda sodir bo‘lgan 6,5 (ayrim manbalarda 7,2) magnitudali zilziladan so‘ng 100 dan ortiq yer silkinishlari qayd etilgan. Yer silkinishlari butun Tayvan orolida, shuningdek, Tayvan bo‘g‘ozining narigi tomonidagi Fuszyan va Chjeszyan provinsiyalarida ham sezilgan.
