Erdog‘an oktyabrda Pashinyan bilan uchrashmoqchi
Turkiya rahbari Kavkaz bilan bog‘liq rejalari borligini aytdi.
Turkiya prezidenti Rejep Tayyip Erdog‘an oktyabr oyi boshida Armaniston bosh vaziri Nikol Pashinyan bilan uchrashishi mumkinligini aytdi. Bu haqda “RiaNovosti” nashri xabar berdi.
Qayd etilichisha, oktyabr oyida Pragada Yevropa siyosiy hamjamiyatining sammiti bo‘lib o‘tadi. Hozirda Turkiya tomoni sammitda qatnashish yoki qatnashmaslik masalasini ko‘rib chiqmoqda.
“Agar Pragadagi sammitda qatnashsak, Pashinyan katta ehtimol bilan u yerga keladi. Balki, u bilan o‘sha yerda alohida muhokama o‘tkazishimiz mumkin. Bizni Kavkaz borasida ba’zi rejalarimiz bor”, — deydi Anqara rahbari.
