Qashqadaryoda fuqaro YPX inspektorini urib, haqoratladi

 

Ijtimoiy tarmoqlarda Qashqadaryo viloyatining Yakkabog‘ tumanida YPX xodimi va fuqaro o‘rtasida tortishuv aks etgan video tarqaldi. Holat yuzasidan Ichki ishlar vazirligi matbuot kotibi Shohruh Gʻiyosovning rasmiy munosabat bildirdi. 

 

Voqea 21-sentabr kuni soat 15:40 larda Qashqadaryo viloyati hududidan o‘tuvchi 4R Yakkabog‘–Chiroqchi–Ko‘kdala–Sho‘rbozor avtomobil yo‘lining 66-kilometrida sodir bo‘lgan. 

 

Chiroqchi tumani IIB YPX inspektori A.Rahmatov tekshirish uchun Neksiya rusumli transport vositasini to‘xtatganda undagi yo‘lovchi – 1991-yilda tug‘ilgan fuqaro Sh.M. mast holatda xodimning qonuniy harakatlariga xalaqit berib, uni haqorat qilgan. Xodim jamoat tartibini buzilishini oldini olish uchun rasiya orqali yordamchi naryad chaqirtirganida Sh.M. voqea joyidan yashirinmoqchi bo‘lgan.

 

Videoda xodim huquqbuzarni voqea joyidan qochib ketishini oldini olib, unga nisbatan jismoniy kuch ishlatayotgan holati tasvirlangan.

 

Hozirda holat yuzasidan O‘zbekiston Respublikasi JKning 219-moddasi bilan jinoyat ishi qo‘zg‘atilib, huquqbuzar prosessual tartibda qamoqqa olingan.

 

“YPX inspektori A.Rahmatovning o‘z vazifasini bosiqlik bilan, provokasiyalarga uchmagan holda bajarganligi, yordamchi kuchlar yetib kelgunga qadar vaziyatni izdan chiqishiga va huquqbuzarni yashirinishiga yo‘l qo‘ymaganligi uchun navbatdan tashqari rag‘batlantirish masalasi ko‘rilmoqda”, — deyiladi xabarda.