O‘zbekistondagi eng “top” OTMlar qaysi?
Oliy va o‘rta-maxsus ta’lim vazirligi bu bo‘yicha ma’lumot berdi.
Oliy va o‘rta-maxsus ta’lim vazirligi Respublikadagi OTMlar umumiy reytingini e’lon qildi. Bu haqda vazirlik rasmiy Telegram kanalida xabar berildi.
Unga ko‘ra, “Toshkent irrigasiya va qishloq xo‘jaligini mexanizatsiyalash muhandislari instituti” Milliy tadqiqot universiteti O‘zbekistondagi eng yaxshi OTM bo‘ldi. Ikkinchi o‘rin O‘zbekiston milliy universitetiga nasib qilgan. Kuchli beshlikni Toshkent moliya instituti, Samarqand davlat universiteti va Navoiy davlat konchilik instituti yakunlagan.
Eng quyi natija qayd etgan OTMlar esa quyidagilar:
— Termiz muhandislik texnologiya instituti;
— O‘zbek milliy musiqa san’ati instituti;
— Farg‘ona jamoat salomatligi tibbiyot instituti;
— Termiz agrotexnologiyalar va innovatsion rivojlanish instituti;
— Qarshi davlat universitetining pedagogika instituti.
