Prezident o‘qituvchi va murabbiylarni mukofotladi
Davlat rahbari taʼlim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risidagi farmonni imzoladi.
O‘qituvchi va murabbiylar kuni munosabati bilan taʼlim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida O‘zbekiston Respublikasi Prezidentining farmoni eʼlon qilindi.
Unga ko‘ra, mamlakatimizda taʼlim tizimini xalqaro standartlar asosida rivojlantirish, sohaga doir islohotlarni muvaffaqiyatli amalga oshirish, o‘quv-tarbiya jarayoniga milliy va ilg‘or xorijiy tajribalar, innovatsion pedagogik va axborot-kommunikatsiya texnologiyalarini keng joriy etish ishlariga qo‘shgan munosib hissasi, o‘quvchilarga ilm-fan asoslari va zamonaviy kasb-hunarlarni o‘rgatish, ularning intellektual salohiyatini yuksaltirish, Yangi O‘zbekistonni bunyod etish va Uchinchi Renessans poydevorini yaratish yo‘lidagi katta xizmatlari, sog‘lom va barkamol avlodni voyaga yetkazish, yoshlarni ona Vatanga mehr va sadoqat, umuminsoniy qadriyatlarga hurmat ruhida tarbiyalashdagi ibratli faoliyati hamda ijtimoiy hayotdagi faol ishtiroki uchun quyidagilar faxriy unvon, orden va medallar bilan taqdirlandi.
«O‘zbekiston Respublikasi xalq o‘qituvchisi» faxriy unvoni bilan:
Mustofoyev Jumanazar Safoyevich - Buxoro davlat universiteti Qorako‘l akademik litseyining matematika fani o‘qituvchisi, Buxoro viloyati
Shamsidinov Abduqodir Umarovich - Marhamat tumanidagi 47-ixtisoslashtirilgan umumiy o‘rta taʼlim maktabining kimyo fani o‘qituvchisi, Andijon viloyati
«O‘zbekiston Respublikasida xizmat ko‘rsatgan xalq taʼlimi xodimi» faxriy unvoni bilan:
Mamadaliyev Isomiddin Imomaliyevich - Yangiqo‘rg‘on tumanidagi 5-umumiy o‘rta taʼlim maktabining geografiya va biologiya fanlari o‘qituvchisi, Namangan viloyati
Eshankulov Baxodir Axmadaliyevich - O‘rta Chirchiq tumanidagi 124-imkoniyati cheklangan bolalar uchun maktab-internati tarbiyachisi, Toshkent viloyati
«O‘zbekiston Respublikasida xizmat ko‘rsatgan yoshlar murabbiysi» faxriy unvoni bilan:
Bogdasarova Tatyana Mixaylovna - Mirzo Ulug‘bek tumanidagi 49-umumiy o‘rta taʼlim maktabining tarix fani o‘qituvchisi, Toshkent shahri
Uralov Abduvali Turgunovich - Guliston tumanidagi 8-umumiy o‘rta taʼlim maktabining musiqa madaniyati fani o‘qituvchisi, Sirdaryo viloyati
Formanov Shakir Kasimovich - O‘zbekiston Milliy universitetining ehtimollar nazariyasi va matematik statistika kafedrasi professori
«Fidokorona xizmatlari uchun» ordeni bilan:
Baytemirov Asadulla Xaitboyevich - Zarbdor tumanidagi 25-ixtisoslashtirilgan umumiy o‘rta taʼlim maktabining matematika fani o‘qituvchisi, Jizzax viloyati
Tuxliyev Nurislam - O‘zbekiston xalqaro islom akademiyasining islom iqtisodiyoti va moliyasi, ziyorat turizmi kafedrasi professori
Mukofotlanganlarning to‘liq ro‘yxati bilan ushbu havola orqali tanishishingiz mumkin.
