2-oktabrda Armaniston–Ozarbayjon o‘rtasidagi tinchlik bitimi ko‘rib chiqiladi
“Agar bitim biz uchun ma’qul bo‘lsa, uni imzolaymiz”, — dedi Nikol Pаshinyan.
Armaniston va Ozarbayjon tashqi ishlar vazirlari Ararat Mirzoyan va Jeyhun Bayramov 2-oktyabr kuni Jenevada ikki davlat o‘rtasidagi tinchlik bitimi matnini muhokama qilishni boshlaydi. Bu haqda Bosh vazir Nikol Pashinyan televideniyedagi jonli efirda ma’lum qildi.
“Agar matn biz uchun ma’qul bo‘lsa, uni imzolaymiz”, — dedi Pаshinyan.
Avvalroq Armaniston TIV matbuot kotibi ikki vazirning rejalashtirilgan uchrashuvi haqida ma’lum qilgandi.
“Armaniston Janubiy Kavkazda uzoq muddatli tinchlikka erishishni maqsad qilgan va Ozarbayjondan ham shuni kutmoqda”, — degan edi Unanyan.
