Rossiya BMT Xavfsizlik kengashidan “quviladimi”?
Bu bo‘yicha tashkilot Bosh kotibining pozitsiyasi maʼlum bo‘ldi.
BMT bosh kotibi Antoniu Guterrish Rossiyaning global diplomatiya maydonlaridan chiqarib yuborilishi tarafdori emas. Bu haqda uning rasmiy vakili Stefan Dyujarrik maʼlum qildi.
Dyujarrikka RFning BMT Xavfsizlik kengashidan chiqarib yuborilishi ehtimoliga Bosh kotibning munosabati haqida savol berishgan.
“Qaysidir davlatning Xavfsizlik kengashidan chiqarib yuborilishi BMT ustavida aniq ko‘rsatilgan. Fikrimcha, bosh kotib har qanday davlatning global forumlardan chiqarib yuborilishini to‘g‘ri qaror deb hisoblamaydi”, – degan rasmiy vakil.
Rossiya-Ukraina mojarosi fonida Vladimir Zelenskiy RFni BMT Xavfsizlik kengashi doimiy aʼzoligidan mahrum qilishni so‘radi. Iyun oyida u bu chaqiriqni yana bir bor qaytargan AQSH bu taklifni qo‘llab-quvvatlasa-da, Rossiyaning bu maqomini bekor qilishning imkoni yo‘qligini tan olgandi.
Avvalroq Germaniya BMT Xavfsizlik kengashiga qo‘shilish istagini bildirgandi.
