Qozog‘iston va O‘zbekiston chegarasidagi post vaqtincha yopildi
Bu haqda Qozog‘iston Moliya vazirligining Davlat daromadlari qo‘mitasi maʼlum qildi.
“Qazig‘urt” (Qozog‘iston) va unga tutash “S.Najimov” (O‘zbekiston) nazorat-o‘tkazish punkti kunduzi fuqarolar va transport vositalari uchun yopildi.
«Qozog‘iston Respublikasi Moliya vazirligining Davlat daromadlari qo‘mitasi Qozog‘iston Respublikasi Milliy xavfsizlik qo‘mitasining Chegara xizmati bilan birgalikda 6 oktyabr soat 09:00 dan 2022 yilning 7 oktyabr soat 09:00 gacha , “O‘ztransgaz” aksiyadorlik jamiyati tomonidan ikki mamlakat nazorat-o‘tkazish punktlari o‘rtasidan o‘tgan gaz quvurlariga gidravlik sinov o‘tkazishi tufayli “Qazig‘urt” va unga tutash “S.Najimov” nazorat-o‘tkazish punkti fuqarolar va transport vositalarining o‘tishi uchun yopiladi», — deyiladi Davlat daromadlari qo‘mitasi xabarida.
Qozog‘iston — O‘zbekiston chegarasidagi boshqa nazorat-o‘tkazish punktlari odatdagidek ishlashda davom etadi.
«Biz tashuvchilardan va chegarani kesib o‘tmoqchi bo‘lgan har bir kishidan o‘rnatilgan cheklovlarni hisobga olgan holda o‘z yo‘nalishini oldindan rejalashtirishlarini so‘raymiz», — deya qo‘shimcha qilingan xabarda.
