Yevropa Rossiya hujumlaridan hayratda—Jozep Borrel
Yevroittifoq vakili Rossiyaning Ukrainadagi harakatlariga munosabat bildirdi.
Bugun, 10-oktyabr kuni Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel Rossiyaning Ukrainaga bergan raketa zarbalaridan hayratda qolganini aytdi va Kiyevga qo‘shimcha harbiy yordam berilishini ma’lum qildi. Bu haqda u Twitter sahifasida yozgan.
“Rossiyaning Kiyev va Ukrainaning boshqa shaharlarida tinch aholiga qilgan hujumlaridan qattiq hayratdaman. XXI asrda bunday harakatlarga o‘rin yo‘q. Men ularni keskin qoralayman. Biz Ukraina bilan birgamiz. Yevropa Ittifoqining qo‘shimcha harbiy yordami yo‘lga chiqdi”, — deydi u.
Eslatib o‘tamiz, dushanba kuni ertalab Rossiya tomonidan Ukraina shaharlariga yirik raketa hujumini uyushtirgan.
