11 davlat yetakchilari Ostonada yig‘iladi
“Markaziy Osiyo – Rossiya” sammitiga Belarus prezidenti Aleksandr Lukashenko ham kuzatuvchi davlat rahbari sifatida taklif etilgan.
Prezident Shavkat Mirziyoyev 12-14 oktabr kunlari Qozog‘istonga tashrif bilan boradi.
Shavkat Mirziyoyev bu yerda Osiyoda hamkorlik va o‘zaro ishonch choralari bo‘yicha kengash yig‘ilishi, MDH rahbarlari kengashining navbatdagi majlisi hamda “Markaziy Osiyo – Rossiya” sammitida ishtirok etadi.
Tashrif doirasida prezident Vyetnam vitse-prezidenti Vo Txi An Suan, Pokiston bosh vaziri Shahboz Sharif va bir qator xalqaro tashkilotlar rahbarlari bilan ikki tomonlama uchrashuvlar o‘tkazadi.
Avvalroq Yevropa Ittifoqi kengashi prezidenti Sharl Mishel 28 oktabrda Toshkentga kelishi xabar qilingan edi.
Mishel O‘zbekistonga kelishdan oldin 26-27 oktabr kunlari Astanada bo‘ladi hamda Markaziy Osiyo davlatlari liderlarining uchrashuvida ishtirok etadi.
Ostonada 26-27 oktabr kunlari o‘tadigan Markaziy Osiyo davlatlari liderlari uchrashuvi borasida hozircha Qozog‘iston ham, O‘zbekiston ham rasman maʼlumot bermadi.
