Iroqqa yangi prezident saylandi
Ovoz berishda 329 deputatdan 269 nafari ishtirok etgan.
Iroq parlamenti Abdul Latif Rashidni mamlakatning yangi prezidenti etib sayladi. Bu haqda “AlJazeera” nashri yozmoqda.
Qayd etishicha, ovoz berish majlisida 329 deputatdan 269 nafari ishtirok etgan.
Parlament yig‘ilishi boshlanishi arafasida mamlakatda raketa hujumlari sodir etilgan, unda bir necha tinch aholi vakillari va xavfsizlik kuchlari a’zolari yaralangan.
Iroq bu yil 7 fevraldan 30 martgacha yangi davlat rahbarini saylash uchun uchta muvaffaqiyatsiz urinishlarni amalga oshirgan.
Shia yetakchisi Muqtada as-Sadr o‘tgan yili parlamentdagi ovoz berishda g‘olib bo‘lgan, ammo hukumat tuzish uchun yetarlicha qo‘llab-quvvatlanmaganidan so‘ng mamlakat bir necha oylik siyosiy boshi berk ko‘chaga kirib qolgandi.
As-Sadr avgust oyida siyosatni tark etishini e’lon qilgan.
