Erondagi qamoqxonada mahbuslar halok bo‘ldi
Muassasada siyosiy mahkumlar saqlanardi.
Tehrondagi Evin qamoqxonasida sodir bo‘lgan yong‘in va tartibsizliklarda kamida to‘rt nafar mahbus qurbon bo‘ldi. Ushbu muassasada siyosiy mahbuslar, muxolifat faollari va qo‘sh fuqarolikka ega shaxslar bor, deb xabar berdi “Al Arabiya” nashri.
Mahalliy matbuotning yozishicha, qurbonlar tutundan zaharlangan. Yana 61 kishi jarohatlangan. O‘n nafar jabrlanuvchi kasalxonaga yotqizilgan.
Tehron gubernatori Mohsin Mansuriyning aytishicha, yong‘inga qamoqxonaning tikuvchilik ustaxonasida mahbuslar o‘rtasidagi janjal sabab bo‘lgan. To‘polon paytida mahbuslar ko‘plab qamoq kiyimlari to‘plami bo‘lgan ustaxonaga o‘t qo‘yishgan.
Tehron prokurori Ali Solihiy qamoqxonada tartib o‘rnatilgani, voqeaning o‘zi esa mamlakatda bo‘lib o‘tayotgan norozilik namoyishlari bilan bog‘liq emasligini aytdi.
