Britaniya yana Bosh vazirsiz qoladigan bo‘ldi
Liz Trass 44 kunlik lavozimini tark etmoqda.
Buyuk Britaniya Bosh vaziri Liz Trass Konservativlar partiyasi va Hukumat rahbari etib tayinlanganidan ikki oydan kamroq vaqt o‘tib iste’foga chiqishini ma’lum qildi. Bu haqda “RiaNovosti” nashri yozmoqda.
“Menga ishonib topshirilgan mas’uliyatini bajara olmayman. Shuning uchun men qirol Charlz III bilan bog‘landim, unga Konservativ partiya rahbari lavozimidan ketayotganimni bildirdim”, — deydi Trass xonim.
Liz Trass yangi Bosh vazir saylanmaguncha Hukumat rahbari bo‘lib qoladi. Uning so‘zlariga ko‘ra, Konservativ partiyaning yangi yetakchisini saylash kelasi hafta bo‘lib o‘tadi.
Eslatib o‘tamiz, Trass 6-sentyabrda Bosh vazir lavozimiga kirishgan. So‘nggi vaqtlarda Britaniya parlamenti a’zolari orasida Tassning faoliyatidan norozilik kuchayib borayotgan edi.
