Pokiston sobiq Bosh vaziri “diplomatik sharmandalik”da ayblanmoqda
Imron Xon rasmiy lavozimda ishlash huquqidan mahrum.
Pokistonning sobiq Bosh vaziri Imron Xon davlat lavozimida ishlash huquqidan mahrum etildi. Bu haqda “SkyNews” nashri xabar qildi.
Qayd etilishicha, 70 yoshli janob Xon qiymati 140 million rupiy bo‘lgan dunyo yetakchilari va chet ellik taniqli shaxslarning davlat sovg‘alarini noqonuniy sotishda aybdor deb topilgan.
Hukumat rasmiylariga ko‘ra, sovg‘alar orasida qirollik oilasi tomonidan hadya qilingan qimmatbaho qo‘l soatlari bo‘lgan, ular Dubayda sotilgan.
Ayblovlarni rad etgan janob Xon davlat tashriflari chog‘ida olingan sovg‘alarni sotib olish va sotishda o‘z mansabini suiiste’mol qilmaganini aytmoqda. Sud qaroriga ko‘ra esa u foydani yashirgan.
Pokiston Milliy Assambleyasi soatlarning sotilishi “axloqsiz va diplomatik sharmandalik” ekanligini aytdi.
