Shavkat Mirziyoyevga Faxriy professor unvoni topshirildi
Prezidentning Turkmanistonga tashrifi davom etmoqda.
Prezident Shavkat Mirziyoyevning Turkmanistonga rasmiy tashrifi ikki xalq o‘rtasidagi mustahkam do‘stlik, o‘zaro hurmat va anglashuvni ifoda etuvchi tadbirlar bilan davom etmoqda.
Davlat rahbari Turkmaniston xalqiga ehtirom sifatida “Halk hakydasy” (“Xalq xotirasi”) yodgorlik majmuasida gul qo‘ydi, o‘tganlar xotirasiga hurmat bajo keltirdi. Katta qiziqish bilan shu yerdagi muzey bilan tanishib, Faxriy mehmonlar kitobida qayd qoldirdi.
Mahtumquli nomidagi Turkmaniston davlat universitetida Prezidentga tantanali ravishda Faxriy professor unvoni topshirildi. Shavkat Mirziyov buning uchun minnatdorlik bildirib, ta’lim va tarbiyaning ahamiyati, yurtimizda bu borada olib borilayotgan islohotlar haqida qisqa nutq so‘zladi.
Toshkentda ochilgan “Ashxobod” bog‘iga javoban Turkmaniston poytaxtida “Toshkent” bog‘ining ochilishi haqiqiy bayramga aylanib ketdi. Shu yerda davlat rahbarlari o‘ziga xos ob’yekt - Xorazm va Toshovuz viloyatlarining tutash hududida Chegeraoldi savdo zonasining qurilishiga start berdilar.
