Sirdaryolik erkak xotinini urib o‘ldirib qo‘ydi
Bunga oilaviy nizo sabab bo‘lgani aytilmoqda.
Sirdaryo viloyatining Mirzaobod tumanida erkak oilaviy nizo sabab xotinini urib o‘ldirdi. Bu haqda Ichki ishlar vazirligining “POSTDA” telegram kanalida xabar qilindi.
Ma’lum bo‘lishicha, Mirzaobod tumani Yo‘ldoshobod mahallasida yashovchi fuqaro F.M. hamda ayoli o‘rtasida muntazam oilaviy mojaro sodir bo‘lib turgan. Bunday janjallarning oxiri esa o‘lim bilan yakunlangan
Fuqaro F.M. turmush o‘rtog‘iga og‘ir tan jarohati yetkazishi oqibatida ayol vafot etgan. Ularning ikki nafar farzandi yetim bo‘lib qolgan.
Ta’kidlanishicha, tumanda viloyat sektor rahbarlari ishtirokida og‘ir turdagi jinoyat muhokamasiga bag‘ishlangan yig‘ilish bo‘lib o‘tgan. Unda ishtirok etgan mahalla faollari, mutasaddilar ushbu jinoyat sabablariga atroflicha to‘xtalgan.
