Ukraina FIFA tarkibidan Rossiyaning quvilishini talab qilyapti
Bu bo'yicha xalqaro sport tashkilotiga so'rovnoma yuborilgan.
Ukraina futbol assotsiatsiyasi Rossiya futbol ittifoqini Yevropa futbol uyushmalari ittifoqi (UEFA) va Xalqaro futbol federatsiyasi (FIFA) tarkibidan chiqarishni talab qildi.
Tashkilot Donetsk va Lugansk Zaporojye va Xerson viloyatlari klublarini Rossiya chempionatlariga birlashtirish rejalariga shunday munosabat bildirgan.
“UFA darhol FIFA va UEFAga Rossiya futbol ittifoqiga nisbatan eng qattiq sanksiyalarni qo‘llash talabi bilan murojaat qiladi. Biz ushbu tashkilotlar nizomlarini qo‘pol buzgani uchun Rossiyani UEFA va FIFAdan chetlashtirishni talab qilamiz”, — dedi UAF rahbari Andrey Pavlenko Facebook‘da.
FIFA va UEFA bahorda Rossiyaning Ukrainadagi harakatlari fonida RF jamoalari va klublarini nomaʼlum muddatga xalqaro musobaqalardan chetlatgan edi. Yozda Sport arbitraj sudi qarorni qonuniy deb tan oldi.
