Jizzaxda tunda 30 ga yaqin daraxt noqonuniy kesib tashlandi
Holatga viloyat Ekologiya boshqarmasi rasmiy izoh berdi.
Ijtimoiy tarmoqlarda Jizzax viloyatining Gʻallaorol tumanidan o‘tuvchi M-39 avtomagistral yo‘li bo‘yidagi daraxtlar kesilgani haqida xabarlar tarqaldi. Holat yuzasidan viloyat Ekologiya boshqarmasi matbuot xizmati izoh berdi.
Ma’lum bo‘lishicha, 25-oktyabr kunidan 26-oktyabr kuniga o‘tar kechasi O‘rmon xo‘jaligiga qarashli bo‘lgan hududda noma’lum shaxslar tomonidan 26 tup qayrag‘och va o‘rik daraxti kesilgan. Holat yuzasidan dastlabki hujjatlar rasmiylashtirilib, Gʻallaorol tumani Ichki ishlar bo‘limiga taqdim etildi.
Hozirda daraxt kesganlarning shaxsini aniqlash va holatga qonuniy baho berish yuzasidan tergovga qadar surishtiruv ishlari olib borilmoqda.
