0
Qashqadaryoda deputat o‘quvchini kaltaklagani aytildi
Holat tungi soat 03:00 larda sodir bo‘lgan.
Ijtimoiy tarmoqlarda tarqalayotgan Qashqadaryo viloyatining Qamashi tumanida deputat 11-sinf o‘quvchisini kaltaklagani haqida xabarlar tarqaldi. Holat yuzasidan viloyat Xalq ta’limi boshqarmasi rasmiy munosabat bildirdi.
Qayd etilishicha, 3-noyabrdan 4-noyabrga o‘tar kechasi soat taxminan 03.00 larda Qamashi tumani “Qamay” mahallasida yashovchi N.P. voyaga yetmagan fuqaro Q.E.ni urib tan jarohati yetkazgan.
“Holat yuzasidan Qashqadaryo viloyati xalq ta’limi boshqarmasi va huquqni muhofaza qiluvchi organ mas’ullari tomonidan atroflicha o‘rganilmoqda”, — deyiladi xabarda.
