TDT yuqori mansabdorlari Toshkentda yig‘ildi
Uchrashuvda Samarqanddagi sammit kun tartibi ko‘rib chiqilgan.
Toshkent shahrida Turkiy davlatlar tashkiloti yuqori darajali mansabdor shaxslarining navbatdagi uchrashuvi bo‘lib o‘tdi. Bu haqda “Dunyo” axborot agentligi xabar berdi.
Qayd etilishicha, tadbirda a’zo va kuzatuvchi davlatlarning Tashqi ishlar vazirliklarining tegishli departament rahbarlari, TDT Kotibiyati va boshqa ishchi organlari vakillari ishtirok etgan.
Anjumanda Samarqand sammiti va TDT Tashqi ishlar vazirlari kengashining navbatdagi yig‘ilishi kun tartibi, dasturi hamda mazkur tadbirlarga kiritiladigan hujjatlar loyihalari ko‘rib chiqilgan.
Eslatib o‘tamiz, Turkiy davlatlar tashkilotning birinchi sammiti 11-noyabr kuni Samarqand shahrida o‘tkaziladi.
