Hech qanday shaxsiy manfaatlar: faqat biznes
AQSH ayrim yirik banklarning rus kompaniyalariga xizmat ko‘rsatishiga qarshilik qilmayapti.
AQSH moliya vazirligi va Davlat departamenti norasmiy tarzda ayrim yirik banklardan Rossiyaning yirik kompaniyalari bilan ish olib borishni so‘ragan. Bloomberg agentligi maʼlumotlariga ko‘ra, ular orasida JPMorgan Citigroup kabi banklar ham bor.
Agentlikning qayd etishicha, bu orqali Jozef Bayden maʼmuriyati sanksiyalarning salbiy oqibatlarini pasaytirishga urinmoqda. Xususan, amaldorlar banklardan to‘g‘ridan-to‘g‘ri cheklovlar ostiga tushmagan “Gazprom”, “Uralkaliy” kabi kompaniyalarga bazaviy xizmat ko‘rsatishni davom ettirishni so‘ragan.
Sanksiyalar tufayli ko‘plab banklar rus kompaniyalari bilan o‘ta ehtiyotkor aloqada bo‘lmoqda. Ular hukumat tomonidan katta jarima solinishidan qo‘rqyapti. Shu sababli hukumat banklarga yuqoridagi takliflarni bergan.
