Yaponiya Bosh vaziri Xitoy rahbari bilan uchrashmoqchi
Bu ularning so‘nggi uch yildagi ilk uchrashuvi bo‘lishi mumkin.
Yaponiya Bosh vaziri Fumio Kisida va Xitoy rahbari Si Szinpinning uchrashuvi rejalashtirilmoqda. Bu haqda ikki mamlakat rasmiylari ma’lum qildi.
Qayd etilishicha, bu davlat rahbarlarining so‘nggi uch yildagi ilk uchrashuvi bo‘lishi mumkin.
Uchrashuv Tailand yoki Indoneziyada tashkil etiladi. Yetakchilar Yaponiya va Xitoy o‘rtasida konstruktiv va barqaror munosabatlarni o‘rnatish bo‘yicha muzokaralar olib bormoqchi.
Shuningdek, Kisidaning Janubiy Koreya Prezidenti Yun Sok Yol bilan uchrashishi kutilmoqda.
Dushanba kuni G20 sammiti doirasida AQSH Prezidenti Jo Bayden va Si Szinpin o‘rtasida muzokaralar o‘tkazilishi mumkin va Yaponiya rasmiylari ularning uchrashuv natijalarini kuzatib boradi.
