Braziliyada “suv parisi” yoki “o‘zga sayyoralik”ning qo‘li topildi
Sayr qilib yurgan juftlik uni sohilda ko‘rib qolgan.
Braziliyalik juftlik sohil bo‘yicha sayr qila turib inson qo‘liga o‘xshash suyaklarni topib oldi. Ammo bu suyaklar insonnikidan ancha yirik va barmoq bo‘g‘inlari soni boshqacha edi.
Tez orada juftlik atrofida odamlar yig‘ilib, bu suyaklar kimga tegishli ekanini taxmin qila boshladi. Taxminlar orasida bu suv parisi yoki o‘zga sayyoralikning qo‘l qoldiqlari, degan farazlar ham bor.
Shundan so‘ng ular qoldiqlarni mahalliy olimlarga ko‘rsatishga qaror qidishdi. Ma’lum bo‘lishicha, suyaklar dengiz sutemizuvchisi, katta ehtimol bilan biror delfinga tegishli. Jonivor 1,5 yillar oldin nobud bo‘lgan.
Brazilida sohilga chiqib qolgan hayvon qoldiqlari tabiiy moddalar almashinuviga ta’sir qilmaslik uchun yig‘ib olinmaydi.
