Surxondaryoda YPX inspektorlarini haqorat qilgan aka-ukalar qamaldi
Ular, shuningdek, xodimlaning ustiga mashina haydamoqchi bo‘lgan.
Surxondaryo viloyatining Denov tumanida YPX inspektorlarining qonuniy talabni bajarmagan aka-ukalar 15 sutkaga qamaldi. Bu haqda YHXX xabar bermoqda.
Ma’lum bo‘lishicha, 19 noyabr kuni taxminan soat 09:00 da Denov tumani “Buyuk kelajak” mahallasi hududida xizmat vazifasini bajarayotgan Yo‘l harakati xavfsizligi boshqarmasi ikki nafar xodimi Nexia rusumli avtomobilni to‘xtatadi. Tegishli hujjatlarni taqdim etish so‘ralganda 1990 yilda tug‘ilgan haydovchi va uning yaqin qarindoshlari bo‘lgan yo‘lovchilar inspektorlarning qonuniy talablarini bajarmay, haqorat qiladi. Shuningdek, fuqaro mashinani ispektorning ustiga haydamoqchi bo‘ladi.
YPX xodimining bildirgisiga asosan profilaktika inspektorlari bilan hamkorlikda tezkor surishtiruv ishlari olib borilib, huquqbuzarlarga nisbatan to‘plangan hujjatlar chora ko‘rish uchun jinoyat ishlari bo‘yicha Denov tumani sudiga taqdim qilingan.
Sud hukmiga ko‘ra, jamoat tartibini buzgan aka-uka Ma’muriy javobgarlik to‘g‘risidagi kodeksning 183-moddasi, 194-moddasi 1-qismi bilan huquqbuzarlik sodir etganlikda ayblanib, ularga nisbatan 15 sutka qamoq va BHMning 5 baravari miqdorida jarima jazosi qo‘llanilgan.
