Navoiyda prokuror YTHga uchradi
Viloyat prokuraturasi uning ahvoli haqida ma’lumot berdi.
Ijtimoiy tarmoqlarda Navoiy tumanining Gʻozg‘on shahar prokurori ishtirokida yo‘l transport hodiasasi sodir bo‘lganligi haqida xabarlar tarqaldi. Holat yuzasidan viloyat prokuraturasi rasmiy munosabat bildirdi.
Ma’lum bo‘lishicha, Gʻozg‘on shahar prokuraturasi haydovchisi N.J. Laсetti rusumli avtomashina bilan Navbahor tumani M.Ulug‘bek mahallasi hududida yo‘lning keskin burilish joyida qarama-qarshi yo‘nalishdan kelayotgan Nurota tumani “Temirqovuq” mahallasida yashovchi fuqaro M.O. boshqaruvida bo‘lgan Laсetti bilan to‘qnashgan.
YTH oqibatida fuqaro M.O. hamda Gʻozg‘on shahar prokuraturasi haydovchisi N.J. tan-jarohati olgan. Avtomashinada bo‘lgan Gʻozg‘on shahar prokurori B. Isoqov tan-jarohati olmagan.
Mazkur holat yuzasidan Navoiy viloyati prokuraturasi tomonidan tergovga qadar tekshirish harakatlari olib borilayotgan bo‘lib, sud-tibbiy, avtotexnika va boshqa ekspertizalar tayinlandi. Holat yuzasidan xizmat tekshiruvi o‘tkazilmoqda.
