Termizda noqonuniy baliq ovlovchilar ushlandi
Bu bo‘yicha viloyatda tungi reyd o‘tkazilgan.
Surxondaryo viloyatining Tеrmiz tumanida noqonuniy baliq ovlovchilar ushlandi. Bu haqda Davlat ekologiya qo‘mitasi xabar bermoqda.
Qayd etilishicha, viloyat Ekologiya va atrof- muhitni muhofaza qilish boshqarmasi, IIB va viloyat Milliy gvardiya xodimlari bilan birgalikda tunggi reyd tadbiri o‘tkazilgan.
Olib borilgan nazorat tadbirlari davomida Termiz tumani “Nurafshon” mahallasi hududidan oqib o‘tuvchi “Uchqizil” kanalidan Jarqo‘rg‘on tumanida yashovchi fuqarolar T.T hamda A.O. taqiqlangan usullar va taqiqlangan ov quroli (elektrqarmoq) bilan ov qilayotgan vaqtida ashyoviy dalillar bilan ushlangan.
Bir dona rezina qayiq, bir dona akkumlyator, qo‘lbola elektr qarmoq va ovlangan baliqlar ashyoviy dalillar sifatida olib qo‘yilgan.
Mazkur holat yuzasidan birlamchi hujjatlar tayyorlanib, hayvonot olamiga yetkazilgan zarar hisoblanmoqda.
