Toshkentda “gaz zapravkalar” yopiladi
Bu bo‘yicha hokimlik ogohlantirish bilan chiqdi.
Toshkent shahar hokimligi poytaxtda gaz bosimi pasayib ketishi yuzasidan ma’lumot berdi.
Qayd etilishicha, ob-havo harorati keskin pasaygani sababli shaharning ayrim hududlarida gaz va issiqlik ta’minotida uzilishlar kuzatilmoqda. Kommunal xizmatlar mavjud gaz zaxirasini barcha iste’molchilar orasida teng taqsimlashga urinishiga qaramay, resurslar yetishmayapti.
“Iloji boricha ko‘proq xonadonlarni gaz va issiqlik bilan ta’minlash maqsadida, jamoat transport vositalariga xizmat ko‘rsatadigan shohobchalardan tashqari, qolgan barcha avtomobillarga gaz quyish shohobchalari vaqtinchalik yopilmoqda”, — deyiladi xabarda.
