NYT: Sanksiyalarga qaramay, Rossiya yangi raketalar ishlab chiqargan
Noyabr oyida Kiyevga uchirilgan raketalarning biri yozda, yana biri sentyabrda ishlab chiqarilgani aniqlangan. Bu Moskvaning sanksiyalarga qaramay, yuqori texnologiyalarni sotib olishda davom etayotganini anglatadi.
Rossiyaning noyabr oxirida Ukraina infratuzilmasiga bergan ayrim raketalari G‘arb sanksiyalaridan bir necha oy o‘tib yaratilgan. Bu haqda New York Times xabar berdi.
Conflict Armament Research guruhi ekspertlari yuqoridagi xulosaga kelgan. Ular 23 noyabrda Kiyevda topilgan X-101qanotli raketalari qoldiqlarini o‘rgangan. Bu raketa shu yilning yozida tayyorlangan. Yana biri esa sentyabrda yasalgani aytilmoqda.
Ekspertlardan birining so‘zlariga ko‘ra, Moskvaning X-101 kabi boshqariladigan raketalarni ishlab chiqarishda davom etishi uning texnikalar, yarim o‘tkazgichlar va kerakli ehtiyot qismlarini boshqa bozorlardan topayotganidan dalolat beradi.
