Putin Qirg‘izistonga keldi
Rossiya prezidenti Yevroosiyo iqtisodiy ittifoqi (YEOII) sammitida ishtirok etadi.
Rossiya prezidenti Vladimir Putin Yevroosiyo iqtisodiy ittifoqi (YEOII) sammitida ishtirok etish maqsadida Qirg‘izistonga tashrif buyurdi. Bu haqda Sputnik Qirg‘iziston xabar berdi.
Rossiya prezidentini “Manas” aeroportida Qirg‘iziston Vazirlar Mahkamasi raisi – prezident administratsiyasi rahbari Oqilbek Japarov kutib oldi.
Eslatib o‘tamiz, bugun Bishkekda YEOII sammiti bo‘lib o‘tadi. Unda ittifoqning barcha davlat rahbarlari (Rossiya, Qozog‘iston, Belarus, Armaniston, Qirg‘iziston) ishtirok etishi kutilmoqda.
O‘zbekiston 2020-yil dekabr oyida YEOIIda kuzatuvchi davlat maqomini olgan. Ittifoq 2014 yilda Rossiya, Belarus va Qozog‘iston o‘rtasida tuzilgan shartnoma asosida tashkil etilgan xalqaro tashkilotdir. Bu ittifoqqa 2015 yilda Armaniston va Qirg‘iziston aʼzo bo‘lgan, Moldova va Kuba kuzatuvchi maqomiga ega.
