Angrenda 6 ta mashina YTHga uchradi
YHXB hodisa tafsilotlarini maʼlum qildi.
Bugun, 12-dekabr kuni Toshkent viloyatining Angren shahrida 5 ta avtomobil ishtirokida yo‘l-transport hodisasi sodir bo‘ldi. Holat bo‘yicha viloyat IIBB YHXB maʼlumot berdi.
Hodisa soat 15:10 larda Angren shahri hududidan o‘tuvchi A-373 M-39 Guliston–Bo‘ka–Angren–Qo‘qon va Andijon orqali–O‘sh avtomobil yo‘lining 184-kilometrida yuz bergan. 1980 yilda tug‘ilgan haydovchi R.I. Isuzu rusumli yuk avtomobilida harakatlanayotganda transport vositasining tormozi ishlamay qolgan va o‘zi bilan bir yo‘nalishda oldinda harakatlanib ketayotgan 3 ta Nexia va 2 ta Cobalt rusumli avtomashinalarga to‘qnashgan.
YTH oqibatida hech kim tan jarohati olmagan. Holat yuzasidan Toshkent viloyati IIBB JXX YHXB xodimlari tomonidan surishtiruv harakatlari olib borilmoqda.
