Meksikada 7 nafar o‘zbekistonlik qutqarildi
Ular bosqinchilar tomonidan o‘g‘irlab ketilgan va ulardan 200 ming dollar talab qilgan.
Meksika huquq-tartibot idoralari vakillarining aytishicha, 911 xizmatiga Gomes Palasio shahrida bir guruh osiyolik muhojirlar majburan qo‘lga olingani haqidagi xabar kelib tushganidan keyin qutqaruv operatsiyasi o‘tkazilgan. Neapoldagi xususiy uydan 7 nafar fuqaro qutqarib olindi.
Keyinroq tutqunlikda ushlab turilganlar o‘zbekistonlik ekanliklari maʼlum bo‘ldi: 5 erkak, bir ayol va voyaga yetmagan bola.
Qutqarilgan o‘zbekistonliklar huquq-tartibot idoralari xodimlariga avtobusda Quyi Kaliforniyaga ketayotganliklarini aytishgan. Gomes Palasio shahrida to‘xtagan bir guruh o‘zbekistonliklar hujumga uchrashgan.
Hujum qilganlar o‘zbekistonliklarning yo‘lda davom etishiga ruxsat berish evaziga 200 ming dollar talab qilishgan. O‘g‘irlanganlarning puli bo‘lmagani uchun hujumchilar bir guruh muhojirlardan pul topishning boshqa yo‘lini topish ilinjida ularni uylariga olib kelishgan.
Qutqarib olingan o‘zbekistonliklar himoya va tegishli yordam ko‘rsatilishi uchun Milliy Migratsiya institutiga yuborilgan.
