Navoiyda salkam 1 mlrd kredit talon-taroj qilindi
Unda bank rahbarining ham qo‘li bor.
Nurota tumanida kredit mablag‘larini talon-toroj qilish holati aniqlandi, deya xabar bermoqda Bosh prokuratura huzuridagi Iqtisodiy jinoyatlarga qarshi kurashish departamenti.
Qayd etilishicha, departamentning Nurota tuman bo‘limi tomonidan tergovga qadar tekshiruv o‘tkazilgan. Unda “M.N.” va “E.N.” MCHJ rahbari M.J. hududiy tijorat banki filiali sobiq rahbari A.X. va boshqalar o‘zaro til biriktirib, ushbu MCHJlarga aylanma mablag‘larni to‘ldirish maqsadida ajratilgan jami 940 mln so‘m kredit mablag‘ini o‘zlashtirish yo‘li bilan talon-toroj qilgani aniqlangan. Shuningdek “E.-s.” MCHJ rahbarining xabardorligisiz 150 mln so‘mni “M.N.” MCHJga kredit qarzini to‘lash maqsadida moliyaviy yordam ko‘rinishida o‘tkazganliklari ma’lum bo‘lgan.
Hozirda mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 209-moddasi (mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.
