KXDR tongda hammani bezovta qildi
Yapon dengizi tomon yangi ballistik raketalar uchirilgan.
Bugun, 18 dekabr kuni KXDR Yapon dengizi tomonga ikkita ballistik raketa uchirdi. Bu haqda Yaponiya qirg‘oq qo‘riqlash xizmati maʼlum qildi.
Raketalar 25 daqiqa interval bilan uchirilgan. Ularning har ikkisi ham dengizga qulagani aytilmoqda.
Yapon qo‘riqlash kemalari mintaqada bo‘lib turgan kemalar raketa qoldiqlarini ko‘rgan taqdirda darhol rasmiylar bilan bog‘lanishni so‘ragan.
Bosh vazir Fumio Kisida devonxonasi qoshida maʼlumotlarni to‘plash va tahlil qilish shtabi ish boshlagan. Yaponiya mudofaa vazirligi ham hodisani o‘rganmoqda.
