Toshkent—Urganch aviareyslari 2 barobar oshiriladi
Shuningdek, Xorazmga tezyurar poyezd qatnovini yo‘lga qo‘yish tezlashtiriladi.
Toshkent—Urganch yo‘nalishida aviareyslar soni amaldagidan 2 borabar oshiriladi va Xorazmga tezyurar poyezdlar qatnovini yo‘lga qo‘yish ishlari jadallashtiriladi. Bu haqda Urganch shahar hokimligi maʼlum qildi.
Qayd etilishicha, kecha, 17-dekabr kuni Prezident Adminstratsiyasi rahbari Sardor Umrzaqov va Bosh vazir Abdulla Aripov ishtirokida yig‘ilish bo‘lib o‘tgan.
Yig‘ilishda tashkiliy masalalar bilan bir qatorda viloyatni infratuzilmasini yana-da yaxshilash, transport logistikasini rivojlantirish va boshqa masalalar ham muhokama qilingan.
Xususan, Bosh vazir A. Aripov viloyatning turistik salohiyati, aholini kundalik ehtiyojlari hamda temiryo‘l sohasida amalga oshirilayotgan islohatlarni jadallashtirish maqsadida Jaloliddin Manguberdi tezyurar elektr poyezdini yo‘lga qo‘yishni tezlashtirish hamda Toshkent-Urganch yo‘nalishida kuniga 2 ta emas 4 ta samolyot qatnovini yo‘lga qo‘yish bo‘yicha masʼullarga topshiriq bergan.
