Uchquduqdagi gaz zapravkada Damas yonib ketdi
Avtomashina tuman elektr tarmoqlari korxonasiga tegishli bo‘lgan.
Navoiy viloyatining Uchquduq tumanida 16-dekabr kuni Damas yonib ketdi. Bu haqda “Sevimli” telekanalining “Zamon” informatsion dasturida xabar qilindi.
Voqea soat 19:25 larda Uchquduq tumanidagi metan zapravkalarning birida yuz bergan. Tuman elektr tarmoqlari korxonasiga tegishli Damas gaz to‘ldirib, chiqib ketayotganida avtomobilda to‘satdan yong‘in chiqqan.
Dastlabki o‘rganishlarga ko‘ra, yong‘in mashina texnik nosozligi oqibatida qisqa tutashuv yuz bergani sababli sodir bo‘lgan. Yong‘in o‘t o‘chiruvchilar va zapravka xodimlari yordamida bartaraf etilgan.
