Shahrisabzdagi “metan zapravka”da fuqarolar janjal chiqardi
Holatga viloyat IIB izoh berdi.
Qashqadaryo viloyatining Shahrisabz tumanida 13-dekabr kuni fuqarolar o‘rtasida janjal chiqdi. Holatga viloyat IIB rasmiy munosabat bildirdi.
Qayd etilishicha, soat 21:00 larda viloyat IIB 102 tizimiga Kitob tumani “Saroy” MFYda yashovchi R.A. telefon orqali xabar berib, Shahrisabz tumanidagi “metan zapravka”da 2 nafar notanish fuqaro tortishayotganini bildirgan.
Surishtiruv ishlari olib borilganda murojaatchi — Kitob tumani “Saroy” MFYda yashovchi fuqaro R.A. bilan Shahrisabz shahar Choshtepa MFYda yashovchi M.F. o‘rtasida janjal kelib chiqqani aniqlangan.
Janjalda har ikki fuqaro Maʼmuriy javobgarlik to‘g‘risidagi kodeksning 183-moddasida ko‘rsatilgan huquqbuzarlikni sodir etgani aniqlanib, to‘plangan hujjatlar qonuniy to‘xtamga kelish uchun JIB Shahrisabz tuman sudiga yuborilgan.
