Toqayev “Ko‘ksaroy”ga daraxt ekdi
Davlat rahbarlarining muzokaralari ertaga bo‘lib o‘tadi.
Davlat tashrifi bilan O‘zbekistonga kelgan Qozog‘iston Prezidenti Qasim-Jomart Toqayev Prezident Shavkat Mirziyoyev huzurida “Ko‘ksaroy” qarorgohining Faxriy mehmonlar xiyobonida daraxt ekdi.
“Marosim O‘zbekiston–Qozog‘iston munosabatlarida yangi davr boshlanayotgani, mamlakatlar o‘rtasidagi strategik sheriklik va ittifoqchilikni qardosh xalqlarimizning farovonligi yo‘lida yana-da mustahkamlashga qatʼiy intilishning ifodasi bo‘ldi”, — deyiladi Prezident matbuot xizmati xabarida.
Qozog‘iston yetakchisining mamlakatga davlat tashrifi asosiy tadbirlari 22 dekabr kuni bo‘lib o‘tadi.
Qayd etilishicha, ertaga Oliy darajadagi muzokaralar bo‘lib o‘tadi, ularning yakunida tarixiy ahamiyatga ega bitimlarning imzolanishi kutilmoqda. Birgalikda yirik investitsiya loyihalarini boshlab berish va OAV vakillari uchun brifing o‘tkazish ko‘zda tutilgan.
