0
Eng bilimli o‘quvchilar taqdirlandi
338-maktabda “Maktab Olimpiadasi”ning taqdirlash tadbiri o‘tkazildi.
Bugun Mirzo Ulug‘bek tumani 338-maktabda 2022-2023-o‘quv yilining yarim yillik sarhisobi bo‘yicha “Maktab Olimpiadasi”ning taqdirlash tadbiri bo‘lib o‘tdi.
Tadbirda Mirzo Ulug‘bek tumani hokimi o‘rinbosari B.A.Nazarov va Mirzo Ulug‘bek tumani XTB mudiri Sh.A.Ikromov ham ishtirok etdi.
Mazkur olimpiadada 7-8-9-10-11 sinf o‘quvchilari shu vaqtgacha ustozlaridan olgan bilimlarini yana bir bor sinovdan o‘tkazishdi. Ushbu olimpiadada “Eng aʼlochi”, “Eng bilimdon” deb topilgan o‘quvchilar munosib tarzda taqdirlanishdi. Ular maxsus kubok va diplomga ega bo‘lishdi.
G‘olib bo‘lgan o‘quvchilarning ota-onalariga ham maktab maʼmuriyati nomidan tashakkurnomalar topshirildi.
