Namangandagi avtomobil ustaxonasida Labo yonib ketdi
Holat bo‘yicha viloyat FVB maʼlumot berdi.
Bugun, 26-dekabr kuni Namangan viloyatining Chortoq tumanidagi ustaxonada yong‘in chiqdi. Holat bo‘yicha viloyat Favqulodda vaziyatlar boshqarmasi maʼlumot berdi.
Qayd etilishicha, soat 15:26 da FVB 101 qisqa raqamiga tumanning “Bog‘” MFY hududida joylashgan yakka tartibdagi tadbirkorga qarashli ustaxonada yong‘in sodir bo‘layotgani haqida xabar kelib tushgan. Yong‘in qutqaruvchilar tomonidan soat 15:45 da to‘liq bartaraf etilgan.
Hodisa oqibatida kuyib tan jarohati olganlar yo‘q. Binoning shift va tom qismidan 20 kvadrat metr joyi, ustaxonada taʼmirlashda bo‘lgan Labo rusumli avtomobilning motor hamda salon qismi yonib zararlangan.
Hozirda hola yuzasidan tergovga qadar surishtiruv ishlari olib borilmoqda.
