Shimoliy Koreyaning yil sarhisobi
Kim Chen In o'tayotgan yilda mamlakat qiyinchilik va provokatsiyaga duch kelganini aytdi.
Shimoliy Koreya yetakchisi mamlakatning harbiy soha, iqtisodiyot va madaniyatdagi muvaffaqiyatlarini ma’lum qildi.
Bu haqda mamlakat rahbari Kim Chen In Koreya mehnat partiyasi Markaziy qo‘mitasining VI plenumining ochilishida aytib o‘tdi.
"KXDR va Koreya Mehnat partiyasi so‘nggi yillarda jiddiy qiyinchilik va provokatsiyalarga duch keldi va erishilgan muvaffaqiyatlarga qaramay, yanada ulug‘vor maqsadlarni ko‘zlashi kerak", — dedi u.
Kim Chen In o‘z ma’ruzasida o‘tayotgan yildagi ishlar yakunlari haqida gapirar ekan, mashinasozlik, metallurgiya, kimyo sanoati, elektroenergetika sohalari uchun istiqboldagi vazifalarni belgilab berdi.
Qayd etilganidek, plenumda joriy yilda amalga oshirilgan ishlar yakunlari va kelgusi yil rejalari, shuningdek, 2022-yilgi Davlat byudjetining ijrosi va kelgusi yilgi Davlat byudjeti loyihasini o‘z ichiga olgan beshta masala ko‘rib chiqiladi.
Plenum bir necha kun davom etishi kutilmoqda.
