Maktab darsliklariga xavfsizlik talablari belgilandi
Endi 1-4-sinflar uchun adabiyotlarda rangli bo‘yoqlar qo‘llanilmaydi.
Maktab darsliklariga xavfsizlik talablari belgilandi, deya xabar bermoqda “Sputnik” nashri.
Qayd etilishicha, Umumiy o‘rta taʼlim va o‘rta maxsus hamda professional taʼlim uchun o‘quv nashrlarida tor yoziladigan shriftlar qo‘llash mumkin emas. Taʼlim muassasalari uchun matbaa mahsulotlarida gazeta qog‘ozi va yaltiroq qog‘ozdan foydalanishga yo‘l qo‘yilmaydi.
Yosh toifasiga qarab nashrlar:
—1-4-sinflar;
—5-9-sinflar;
—10-11-sinflarga mo‘ljallanadi.
Nashr vazni darsliklar uchun:
—1-4-sinflar uchun 300 grammdan;
—5-6-sinflar uchun 400 grammdan;
—7-9-sinflar uchun 500 grammdan;
—10-11-sinflar uchun esa 600 grammdan oshmasligi kerak.
1-4-sinflar uchun adabiyotlarda rangli bo‘yoqlar, shriftni belgilash, chizilgan shriftlar, ko‘p ustunli terish qo‘llanilmaydi.
