Yaponiya Zelenskiyni G7 sammitiga taklif qilmoqchi
Sammit may oyida Xirosimada bo‘lib o‘tadi.
Bu yil G7ga raislik qilayotgan Yaponiya Ukraina prezidenti Vladimir Zelenskiyni 19–21 may kunlari Xirosimada bo‘lib o‘tadigan sammitga taklif qilmoqchi.
Yaponiya Bosh vaziri Fumio Ukrainadagi mavjud vaziyat haqida Zelenskiyning o‘zidan bevosita eshitish imkoniyatidan foydalanmoqchi. Shuningdek, Rossiya bilan urush natijasida yuzaga kelgan oziq-ovqat va energetika xavfsizligi masalalarini muhokama qilish rejalashtirilgan.
G7ning Ukraina bo‘yicha harakatlarini muvofiqlashtirish Tokio uchun muhim hisoblanadi. Bu Tayvan bo‘yicha yuzaga kelishi mumkin bo‘lgan mojaroga tayyorgarlik ko‘rishdagi muhim qadamdir.
Yaponiya rasmiylarining fikricha, mojaro yuzaga kelgan taqdirda Moskvaga nisbatan amalga oshirilgani kabi AQSH va Yevropa bilan birgalikda Pekinga qarshi ham tezkor va qattiq javob berishilishi kerak.
